Po Septembro 19, Hungarjako Sherutno Governosko, Gordon Bajnai phendeas ke o governo ka putrel programo savo te del shajpe e Romen save agorisarde shkole te keren buki andi administraztja themeski. Vakerindoj po puteribe vash akademichno dive Romaversitas Fundatzja, Bajnai phendeas ke o them ka te kerel progreso kotar "o astardo thaj phandado Hungarjako Ku Klux Klan" karing "jekh Hungarjako Obama" mangelpe jekh maj zorali romani elita savi te dzeanel te zutil i Romani inkluzja.
 

O programo phendo kotar o Bajnai ka zutil te anel 200 Roma save silen shkola po than ka te keren buki ande verver levelura administratzjake. Maladindoj kotar o Oktobro 2009, o programo kamel te buhlarel thaj te zorarel i rig e Romengi liderura. Kado si kotor kotar maj but initzjative kerde maj dur vash i Romani inklusja.

Pe kodo soske rodelpe te pharavenpen e barjera save phanden o drom e Romengo save silen kalifikatzja, o governo buhleardeas jekh programo savo del shajpe profesjonalo thaj finantzisko zutipe te shol e Romen save silen shkola ande pozitzje ando tzentralo thaj regjonalo governo. E partitzipantura ando programo ka len kodo zutipe savo mangelpes lenge ka te avel len sea kodola mangimata save shaj te anel len te keren buki andi administratzja themeski.

O governo pokinel o programo loventza kotar Europaki Unja fondura trujal i Themeski Reforma Operatzjonalo Programo. O budzeto e programosko si 100 miljonura forintzi, save usharaven, mashkar aver koshti, i preparatzja e partitzipanturengi te dzean andi kompetitzjaki ekzaminatzja, pokinimata vash o ekzameno, o drom, o beshipe thaj sea kodola koshti save trebal po ekzameno. E Roma save avena bukjarne, po angluno bersh avena pokinde loventza kotar o Operatzjonalo Programo "Bukjarindoj vash Roma Shkolasa andi Themeski Administratzja" projekto, thaj e strukture save ka angazujn e partitzipantura, avena zorasa mangle te dikeren andi buki thaj te pokinen jekh bersh maj dur.

Pala maj but informatzje ande Hungriko shib, dikh http://www.kormanyszovivo.hu/news/show/news_2380?lang=hu